الرئيسية » أخبار الجامعات » هذا ما روته طالبة من كلية الاداب !!

هذا ما روته طالبة من كلية الاداب !!

السلام عليكم وصباح الخير عالجميع مع إنه ما كان صباح مبشر بالخير بالنسبة إلي!

من قلب الجامعة الأردنية “الأم” وعند ممر كلية الآداب بالتحديد حصل هذا الموقف الشنيع للأسف والذي إن دل عشيء فإنما يدل على قلة ذوق وأدب الشب اللي عمل هيك واللي لازمو ترباي من اول وجديد أعتذر عن الكلام ولكن غير هيك الناس ما بتتعلم..

كنت ماشية وطلعت بنت قدامي بتمشي بكل أدب واحترام وبلباس محتشم وأنيق “ان كانت هاي حِجة يعني” وكان في قدامها شبين بيحكو فواحد فيهم زاح صاحبو عن الطريق لحتى تمرق ولسه البنت ما مشيت ولّا الشب المش المحترم بلش يعاكس فيها ويسمع حكي وطبعا البنت من خجلها صارت تمشي أسرع عشان تخلص من الموقف المحرج! يعني كبنت حابة أعلق إنو لما يصير هيك معي بضل بنفسي إني آخد حقي منو لو رح ألم الناس عليه لحتى أجيبله الشرطة. بس طبعا بالآخر مو علقة حلوة لإلي قدام شب بالمستوى هاد.

ويمكن مو من حقي أحكي وأشهر باللي صار، بس صار لازم نحط هالموضوع عند حدو..لإنو اللي شايفته إنو عيب البنت تاخد حقها بإيدها بس مو عيب الشب يعمل هيك ويهين بنات العالم والناس! إذا بدك تصيع وتميع فاعرف إنو الجامعة مو المكان الصح يا محترم.

يا رب يرجعو خدمة العلم وللبنات قبل الشباب عشان نعرف نعيش بأمان نفسي لما اضطر اسفةً إني أمشي بالشارع عشان أوصل الجامعة أو البيت. التعليق عندكم

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *